Логистиканы мұнайдан кейінгі кіріс көзіне айналдыру мүмкін бе?

Теміржол, күрежол, теңіз, әуе қатынасы. Жаһандық транзит хабына айналуға бұдан артық не керек? Шығыста Қытай, теріскейде Ресей, батыста Еуропа және Орталық Азия елдері бар. Қысқасы, тоғыз жолдың торабындағы Қазақстанды айналып өтуге қай-қайсысына болса да, қып-қызыл шығын. Ал бізге қып-қызыл пайда. Үлкен транзиттік әлеует дерсін. Бірақ әзірге нәтиже біз күткендей емес. Еуразия кеңістігіндегі басты көлік логистикалық хабқа айналу үшін әлі де біраз күш салу керек.