Құрылыс жобасы. Отқа төзімді құрылыс материалын қалай таңдаймыз?

Құрылысқа қажетті материалдарды таңдау мен ғимаратты жоспарлауда басты назарды неге аудару қажет?

Кез келген құрылыс пен жөндеу жұмыстарын бастамас бұрын оған қажетті материалдардың бағаларын салыстырып, ұзақ таңдаймыз. Біз үшін олардың жылу тиімділігі, дыбыс өткізгіштігі мен сапасы маңызды. Сондай-ақ көпшілік әрлеу заттарының әдемілігі мен жарамдылығына, экологиялық тазалығына аса көңіл бөледі. Алайда олар материалдардың ең маңызды мінездемелеріне назар аудармайды. Ол отқа төзімділік пен өрт қауіпсіздігіне байланысты сипаттамалар.

Тілсіз жаудан ешкім сақтандырылмаған. Сондықтан өмірімізге қауіп төндірмейтін материалдарды сатып алған абзал. Ол жайлы мамандар не дейді? Елде өндірілетін не шеттен әкелінетін құрылыс материалдары зертханаларда қандай сынақтардан өтуі тиіс? Олардың қайсысынан бас тарту қажет? Қазақстандық құрылыс нормаларында адам денсаулығын сақтауға байланысты қандай тармақтар бар?