Ұлы дала жорығы бәйге-марафоны аяқталды

Көшпенділер ойындары қарсаңында өткен Ұлы дала жорығы марафон-бәйгесі аяқталды.

5 күнге созылған жарыс қорытындысы бойынша көрші Ресей елінен келген Қабардин-Балқар командасы жеңіске жетті. Екінші орында Алматы, үшінші орында Ақтөбе өңірінің жігіттері.

Иә, марафон-бәйге 5 мың жыл бұрын адам баласы жылқы малын алғаш рет қолға үйреткен Солтүстік Қазақстан облысындағы Ботай елді мекенінен басталған болатын. Елде тұңғыш рет өткен Халықаралық ұлы дала жорығының жай-жапсарын «Жорық» ат спорты федерациясының президенті Бақытжан Тұрлыбековтен сұрап білейік.