Талдау. Электр шамын шығаратын отандық кәсіпорын

«Тексан Қазақстан Инвест» кәсіпорны 2012 жылы ашылды. Сол уақыттан бері қарқынды дамып, өндіріс ауқымын кеңейтіп келеді.

Алғашында зауыт қарамағында 36 адам жұмыс істесе, бүгінде олардың саны 180-ге жетті. Өндіріс ошағы Алматы облысының Жамбыл ауданындағы Қасымбек ауылында орналасқандықтан ондағы қызметкерлердің 90 пайызға жуығы осы ауылда тұрады.

Зауытта көше, тұрмысқа қажетті түрлі шамдармен қатар, өрт сөндіру жәшіктері, әкімшілік қоймалар секілді тауарлар да баршылық. Мұндағы өнімге тек отандық шикізат тұтынылады.

Зауыттың жүрегі Құрама өндіру бөлімі десек артық айтпаймыз. Себебі мұнда қай өнімнің қандай металдан, қандай формада жасалып, қандай мақсатта пайдаланылатыны шешіледі. Автоматтандырылған құрылғылармен жасақталған өндіріс ошағы жайлы бағдарламада тарқатамыз.