Үлкен спорт. Биылғы әлем чемпионатында спорт саңлақтары неге ойыннан ерте шеттеп қалды?

Немістің «Шпигель» басылымының жазуынша, чемпиондардың қатары мундиаль сайын сиреп барады. Фавориттердің жаппай азаюының өзіндік себептері де бар, дейді спорт саласының жілігін шағып, майын ішкен мамандар. Мысалы, чемпионат басталардан екі күн бұрын бас бапкері қызметінен қуылған испандар сең соққан балықтай күй кешті. Өйткені бұған дейінгі екі жыл бойы команда ешбір ойында ешкімге есе жібермеген еді.