Жылумен қамту жаңа заңмен реттеледі

Мемлекет жылу энергетикасы саласындағы энергетикалық бақылауды күшейтеді. Өйткені, еліміздегі жылумен қамту саласы енді жаңа заңмен реттеледі. Мәжіліс «Жылу энергетикасы туралы» заңды екінші оқылымда қабылдады. Айта кету керек, бұл сала бойынша жеке заң Қазақстанда алғаш рет әзірленіп отыр. Құжатта саланы заңнамалық тұрғыда және мемлекеттік реттеу қағидаттары белгіленді. Жоспарлы және бағдарламалық құжаттар негізінде аталған бағыттың озық әрі орнықты дамуын қамтамасыз ету көзделген.