Жігерлі жүрек. Азамат Темірбаев: «Мен әлемді жүрегіммен көремін»

Азаматтың көзі туылғанынан көрмейді. Көз торына зақым келген.

Десек те ол өз мүмкіндігін ешқашан шектеген емес. Бала күнінен шығармашылықпен айналысатын жігіт бүгінде ән айтып, гитара мен домбыраның құлағында еркін ойнайды. Оның мақсаттарының бірі қазақтың ұлттық аспабы домбыраның мол мүмкіндігін көпке көрсету. Чайковский атындағы музыкалық колледждің түлегі. Т.Жүргенов атындағы өнер академиясының эстрада бөлімін тәмамдаған. Жаны жаңашылдыққа құмар кейіпкеріміз жайлы толығырақ бүгінгі шығарылымда баяндаймыз.