Елдің бірқатар өңірінде қарлы боран, көктайғақ болады

Елдің бірқатар өңірінде қарлы боран, көктайғақ болады. Бұл туралы Қазгидромет орталығы хабарлады.

Шығыс Қазақстан, Ақмола, Қостанай, Павлодар, Абай мен Ұлытау өңірлерінде қар жауып, сырма жүреді. Желдің екпіні секундына 15-тен 20 метрге дейін жетеді. Ал Батыс Қазақстан, Ақтөбе, Түркістан, Жамбыл, Алматы облыстарында тұман түседі. Қызылорда, Маңғыстау облыстарының тас жолдарында көктайғақ болады.