Президент Есмұхан Обаевтың отбасына көңіл айту жеделхатын жолдады

Мемлекет басшысы Қазақстанның халық әртісі Есмұхан Обаевтың отбасына көңіл айту жеделхатын жолдады. 

«Есмұхан Несіпбайұлы саналы ғұмырын киелі сахнаға арнаған театр тарланы, өнегелі өнер иесі еді. Ұлт руханиятын ұлықтап, отандық драматургияның дамуына зор үлес қосты. Жауапты лауазымдарды абыроймен атқарып, мәдениет көкжиегін кеңейтуге бар күш-жігерін жұмсады», – деп жазылған жеделхатта. Президент отбасы мен жақындарының қайғыларына ортақтасты.  

Тегтер #Мемлекет басшысы #халық әртісі #Есмұхан Обаев #көңіл айту