Қазақстанда алдағы жылыту маусымына дайындық жұмыстары қарқынды жүріп жатыр. «Қазақстан темір жолы» компаниясы қысқы маусымға қажетті көмірді уақтылы әрі толық көлемде жеткізуге сақадай сай екенін мәлімдеді, деп хабарлайды «24KZ».
Бүгінде ұлттық компания тарапынан тасымалдау процесі қажетті паркімен және инфрақұрылымымен толық қамтамасыз етілген. Атап айтқанда, мамыр мен тамыз айлары аралығында барлығы 19,5 миллион тонна көмір тасымалданды. Оның 18,3 миллион тоннасы ЖЭО-ларға, ал 1,2 миллион тоннасы халықтың қажеттілігіне жөнелтілді. Бұл көрсеткіштер өткен жылдың тиісті кезеңімен толық сәйкес келеді.
ҚТЖ өкілдерінің айтуынша, жылжымалы құрам тапшылығы жоқ. «Қазтеміртранс» паркіндегі 29 мың жартылай вагонның 18,5 мыңы ай сайын тұрақты түрде көмір тасымалына жұмылдырылады. Ал ең жоғары жүктеме кезеңінде қосымша 3 мыңға дейін вагон тартылуы мүмкін. Сонымен қатар магистральды жолдар жөнделіп, негізгі бағыттардың өткізу қабілеті арттырылды.
Негізгі жүктеме қыркүйек – қараша айларына (шамамен 3 млн тонна) тиесілі болғандықтан, ҚТЖ өңірлік операторларды көмірді ертерек әкетуге шақырып, өз тарапынан барлық көлемді уақытында жеткізуге кепілдік береді.
Тегтер #жылыту маусымы #көмір #ҚТЖ #24жаңалықтар #24KZPhone: +7 (7172) 757 485
E-Mail: 24kz@khabar.kz