Жасанды интеллект: 15 білім бағдарламасы енгізілді

Елдегі 17 жоғары оқу орнында жасанды интеллекті бойынша 15 білім беру бағдарламасы енгізілді, деп хабарлайды 24KZ.

Бұл дәрістерді 2200-ге жуық студент оқиды. Оның ішінде магистранттар мен докторанттар да бар. Ғылым және жоғары білім министрлігі  жасанды интеллектіні қолдану бойынша Университетаралық стандартты әзірледі. Салада тиісті жұмыстар халықаралық серіктестермен де бірге жүзеге асып жатыр. Мәселен, Қызылордада Сеул ұлттық ғылым және технологиялар университетінің жасанды интеллект және информатика мектебі ашылды.