Астанада «Robotek Grand Tournament» атты робототехникадан халықаралық чемпионат басталды, деп хабарлайды 24KZ. Сайыста Болгария, Молдова, Өзбекстан, Қызғызстан және Тәжікстаннан үздік командалар бақ сынайды.
Додаға 9 бен 17 жас аралығындағы оқушылар қатысып жатыр. 350-ден аса қатысушының робот құрастырудағы білім-білігі 7 аталым бойынша бағаланады. Сайыстың екі жеңімпазына Қазақстан-Британ техникалық университетінің ақпараттық технологиялар және инженерия мектебінің білім грантына ие болады. Білім грантынан бөлек, әр санат бойынша жүлдегерлер бағалы сыйлықтармен, дипломдармен марапатталады.
Наз Бауыржанқызы, «QAZBILIM» ұлттық лицейінің оқушысы:
- Бізде қазір карта бар, робот дайын. Енді программаны күтіп отырмыз. Үмітіміз енді роботта. Өйткені алдыңғы жолы тура осы роботпен біз басқа сайысқа қатысып 1-ші орын алғанбыз. Енді қазір осы жерде бірінші орын аламыз деген үміттеміз.
Олжас Айтжанов, «Роботек» робототехника мектебінің жетекшісі:
- Турдың жеті бағыты бойынша балалар бақ сынасады. Роботек, инверстік сызық бойымен жарыс, жеткізуі робот және сұрыптаушы робот. 7 санат бойынша мықты чемпиондарды анықтаймыз.
Тегтер #Астана #робототехника #халықаралық чемпионат #24KZPhone: +7 (7172) 757 485
E-Mail: 24kz@khabar.kz