Денсаулық сақтау министрлігі ата-аналарға мектеп жасындағы балалардың дұрыс тамақтануын ұйымдастыру бойынша маңызды ұсыныстар берді, деп хабарлайды «24KZ».
Ведомство өкілі оқушының күндізгі ас мәзірін қалай дұрыс бөлу керектігін көрсетті. Оған таңғы ас, тіскебасар, түскі ас, бесін асы және кешкі ас кіреді.
Мектеп жасы - баланың қарқынды өсіп, дамитын кезеңі. Сондықтан толыққанды әрі теңгерімді тамақтанудың маңызы зор: ол баланың бойына қуат беріп, сабақта зердесін жинақтауға және күн бойы белсенді болуына көмектеседі, - деп түсіндірді министрлік өкілдері.
Мамандардың айтуынша, оқушының күнделікті рационында мынадай өнімдер міндетті түрде болуы тиіс:
Көкөністер мен жемістер;
Сүт және қышқыл сүт өнімдері;
Ақуыз көздері - ет, балық, жұмыртқа және бұршақ дақылдары;
Тұтас дәнді дақылдар өнімдері;
Жеткілікті мөлшердегі таза су.
Сонымен қатар қант, тұз бен қаныққан майлар мөлшері жоғары өнімдерді, тәтті газдалған сусындарды және ұлттық өңдеуден өткен фастфуд пен түрлі зиянды тағамды шектеу керектігін ескертті.
Тегтер #ас мәзірі #дұрыс тамақтану #24жаңалықтар #24KZБаланың не жейтіні ғана емес, оны қалай тұтынатыны да маңызды: тамақтанудың тұрақты режимі, дастарқан басындағы тыныш атмосфера және ата-ананың жеке үлгісі баланың пайдалы әдеттерді қалыптастыруына үлкен септігін тигізеді, - деді ведомство өкілі.
Phone: +7 (7172) 757 485
E-Mail: 24kz@khabar.kz