Ауыл шаруашылығын қаржыландыру 4 есе артады

Елде ауыл шаруашылығына бөлінетін қаражат көлемі 4 есе артады. Яғни, 540 млрд теңге сала өндірушілеріне бағытталады.

Премьер-министр осылай деді. Олжас Бектенов отандық өндірушілерді қолдау Үкімет үшін өте маңызды екенін атап айтты. Сондай-ақ Үкімет басшысы жаңа лизингтік бағдарлама бойынша 100 млрд теңге бөлінетінін жеткізді. Ал импорттық техникаға берілетін қаражат уақытша тоқтатылады. «Біз өз бюджетіміз есебінен отандық өндірушілерді қаржыландыруымыз керек», – деді Премьер-министр.