Қазақстан қайтадан Еуропаға көмір тасымалдайды. Бұл туралы Сауда және интеграция министрлігі хабарлады. Еуропалық одақ санкциялардың 18-ші пакеті аясында ақпанда Ресей порттарымен кез-келген келісімге тыйым салған еді. Бұл қазақстандық көмірді Еуропа елдеріне экспорттауға кедергі болды.
Себебі Ресейдің Усть-Луга порты әуелден Қазақстан көмірін Батыс елдеріне жеткізетін негізгі транзит ретінде пайдаланылып келді. Осы жағдайды реттеу үшін елдің мүдделі органдары еуропалық тараптармен консультациялар жүргізді. Ақыры, ЕуроОдақ санкцияларының 18-пакеті аясында қазақстандық көмір транзиті үшін Ресейлік порттан шектеу алынып тасталды. 2024 жылы отандық катты отынның Кәрі Құрлыққа экспорты 5 млн тоннадан асқан еді. Биыл бес айда 1,6 млн тоннаны құрады.
Тегтер #Ресей #көмір #сауда және интеграция #санкцияPhone: +7 (7172) 757 485
E-Mail: 24kz@khabar.kz