Үндістан премьер-министрі Нарендра Моди азаматтарды валюталық резервтерді сақтау мақсатында кемінде бір жыл бойы алтын әшекейлерін сатып алмауға шақырды. Бұл – алтын халықтың жинақ ақшасында, үйлену тойлары мен діни мерекелерде маңызды рөл атқаратын ел үшін күтпеген үндеу болды, деп хабарлайды «24KZ» Fashion Network басылымына сілтеме жасап.
«Бір жыл бойы қандай жағдай болса да, алтын әшекей сатып алмауымыз керек», – деді Моди.
Сонымен қатар ол азаматтарды жанармай тұтынуды азайтуға және қажетсіз шетел сапарларынан бас тартуға үндеді. Оның айтуынша, Үндістан алтын импорттауға қомақты қаржы жұмсап отыр, сондықтан аса қажет емес сатып алуларды уақытша шектеу маңызды.
Бұл үндеу Таяу Шығыстағы қақтығыс салдарынан мұнай бағасының қымбаттауы Үндістан экономикасына қысым түсіріп отырған кезеңде жасалды. Сарапшылардың айтуынша, бұл жағдай сауда тапшылығының ұлғаюына және рупий бағамының әлсіреуіне әсер етуде. Алтын мұнайдан кейінгі елдің ең ірі импорттық шығындарының бірі саналады. Сонымен қатар Үндістан әлемдегі алтынды ең көп импорттайтын екінші елдердің қатарында.
бі күні жергілікті зергерлік компаниялардың акциялары төмендеді. Titan Company акциялары 6,6%-ға арзандаса, Senco Gold пен Kalyan Jewellers India акциялары тиісінше 10,8% және 9,5%-ға төмендеді.
Тегтер #алтын #Үндістан #валюталық резерв #24KZ #24жаңалықтарPhone: +7 (7172) 757 485
E-Mail: 24kz@khabar.kz