Халықаралық компаниялар Алатауға 2 трлн теңгеден астам инвестиция салады.
Мегаполис іргесінде салынатын шаһарды дамыту ісі ширақ. Қалада ауқымды инвестициялық пулды қалыптастыру жұмысы қарқын алған. 51 мыңнан астам жұмыс орнын құруды көздейтін 53 жоба қолға алынып отыр. Премьер-министрдің орынбасары Қанат Бозымбаевтың ақпаратынша, қаланы дамытуға 2 трлн теңгеден аса қаржы тартылады. Сингапур тәжірибесіне сүйеніп, қаланың стратегиялық құжаттарын 30 жылға дейінгі ұзақ мерзімге қабылдау жоспарланған. Демек, маңызды құжатқа өзгерістер кемі 5–10 жылда бір реттен жиі енгізілмейді. Мұндай тәсіл инвесторлар үшін тұрақты әрі болжамды жағдай қалыптастыруға зор мүмкіндік.
Тегтер #Alatau city #инвестпортфель #24KZPhone: +7 (7172) 757 485
E-Mail: 24kz@khabar.kz