Қазақстанда әлеуметтік маңызы бар бірқатар азық-түлік тауарлары арзандады

Қазақстанда әлеуметтік маңызы бар азық-түлік тауарларының бірқатары төмендеді, деп хабарлайды «24KZ» Ұлттық статистика бюросының мәліметіне сүйеніп. 

Статистикалық мәліметтерге сәйкес, апта ішінде пияз 4%-ға, қант 2,6%-ға, ал алма 1,8%-ға арзандаған. Сондай-ақ картоп бағасы 1%-ға, сәбіз 0,8%-ға, ал балық 0,3%-ға төмендеген. Бұдан бөлек, қаймақ, ет фаршы және күріш құны 0,2%-ға азайды.

Дегенмен, бірқатар азық-түлік түрлерінің бағасы өзгеріссіз қалды. Атап айтқанда, ұн, нан, сүйексіз сиыр еті, қой еті және тауық етінің құны бұрынғы деңгейінде сақталды.

Өңірлер арасындағы баға динамикасына тоқталсақ, әлеуметтік маңызы бар азық-түлік тауарларының жалпы құны Атырау облысында 0,3%-ға, ал Түркістан мен Ақтау қалаларында 0,1%-ға төмендеген. Ал Астана, Алматы, Ақтөбе, Жезқазған, Қонаев, Павлодар, Талдықорған және Тараз қалаларында бағалар өткен аптадағы деңгейінде өзгеріссіз қалды.

Тегтер #азықтүлік #ҰСБ #24жаңалықтар #24KZ