Алматыдағы жер сілкінісі салдарынан 44 адам медициналық көмекке жүгінген.
Олар бас жарақаты, қолын немесе аяғын соғып алу сынды жеңіл және орташа деңгейдегі түрлі жарақаттар алған. Стационарларға жеткізілген 34 ересек адамның 3-і емдеуге жатқызылды. Қалғаны үйлеріне жіберілген. Алматы қаласы денсаулық сақтау басқармасының мәліметінше, 1 науқас жан сақтау бөлімінде жатыр. Оған бұған дейін операция жасалған. Кешегі жер сілкінісі кезінде тағы жарақат алған. Дәрігерлердің айтуынша, қазір жағдайы ауыр. Сондай-ақ, 10 бала медициналық көмек алды. Оның 5-і емделуге ауруханаға жатқызылды. Араларында 6 және 7 айлық сәбилер де бар. Жер сілкінісі кезінде біреуі кереуеттен, екіншісі анасының қолынан қолынан құлап жарақат алған. Барлығының жағдайы орташа деп бағалануда. Қазір балалар ем-дом шараларын нейрохирургия және травмотолгия бөлімшелерінде қабылдап жатыр. Ал Алматы қаласындағы барлық емдеу мекемелері күшейтілген тәртіпте жұмыс істеп тұр.
ТегтерPhone: +7 (7172) 757 485
E-Mail: 24kz@khabar.kz