Астанада «Тазару» жалпыұлттық акциясы өтеді

Наурызнаманың соңғы күні 23 наурыз - Тазару күні.

Осыған орай ертең Астанада өңіраралық «Тазалық эстафетасы» аясында «Тазару» жалпыұлттық экологиялық акциясы өтеді. Бұл туралы елорда әкімдігінің ресми сайтында хабарланды. Шара таңғы сағат 10:00-де басталып, аулаларды, көшелерді, сондай-ақ арықтарды қар мен қоқыстан тазарту бойынша іс-шараларға ұласады. Оған қала тұрғындары, бизнес өкілдері, құрылыс компаниялары, еріктілер, қоғамдық ұйымдар, мәдениет қайраткерлері мен спортшылар ат салысады.