Су тасқыны: Ойыл ауданында қалпына келтіру жұмыстары басталды

Ақтөбе облысы Ойыл ауданындағы су тасқыны салдарын қалпына келтіру жұмыстары басталды.

Бұл туралы Төтенше жағдайлар министрлігі мәлімдеді. Қарғын судан Ойыл ауданында көпір мен көпірге кіреберіс жолды су шайып, зақым келді. Төтенше жағдайлар вице-министрі Серік Төленбергенов көпірдің жай-күйін бағамдап, жергілікті билікке қалпына келтіру бойынша тапсырмалар жүктеді.