Атырау облысында бөгет салынып жатыр

Атырау облысында белсенділер Соколок каналы мен Атырау қаласы арасында ұзындығы 20 шақырымдық бөгет салып жатыр.

Бүгін Мәжіліс депутаттары Әділ Жұбанов пен Еділ Жаңбыршин өңірде тасқыннан зардап шеккен тұрғындармен және жұмысшылармен кездесті. Ондағы елді мекендердің көбі Жайық өзені жағалауында орналасқан. Сондықтан, тағы қосымша 15 шақырым бөгет салынады. Сондай-ақ, 85 шақырым ескі бөгеттің орны бар. Депутаттар ауылға су кірмес үшін бөгеттермен қоршап, дәрі-дәрмек, азық-түлік, жанармай қорын жасақтап алу қажеттігін айтты. Облыста су тасқынынан зардап шеккен Жылыой, Қызылқоға аудандарында жергілікті билік, жеке кәсіпорындар мен қарулы күштер берлесе жұмыс жүргізіп жатыр.