Елде Ұлттық гидрогеологиялық қызмет құрылды

Бұл 2023 жылғы 1 қыркүйектегі Мемлекет басшысының «Әділетті Қазақстанның экономикалық бағдары» Жолдауын іске асыру аясында жүзеге асты.

Үкіметтің тиісті қаулысына Премьер-Министр қол қойды. Ұлттық гидрогеологиялық қызмет жер асты суларының кен орындары мен учаскелеріне, сондай-ақ су жинағыш гидрогеологиялық ұңғымаларына толық түгендеу жүргізеді деп жоспарлануда. Соның нәтижесінде мемлекеттік балансқа енгізілген 4300-ден астам зерттелген жер асты суларының кен орындары мен учаскелерін қамтитын ауқымды деректер базасы құрылуға тиіс.