Шығыс Қазақстан облысында шомылу маусымына дайындық басталды, деп хабарлайды 24kz.
Құтқарушылар жағажайларды аралап, суға түсетін орындардың қауіпсіздігін тексеріп жатыр. Өңірде екі мыңнан астам су айдыны бар. Бірақ оның 22-сінде ғана шомылуға рұқсат. Сондықтан Төтенше жағдайлар департаментінің мамандары күнделікті рейд жүргізіп, шомылатын орынның тереңдігін анықтап жатыр. Одан бөлек, өзен-көлдердің жағасында медициналық және құтқару бекеттерінің болуына баса назар аударылған. Жағажайларда жаз бойы кезекшілік ұйымдастырылып, құтқарушылар оқытудан өтеді. Өткен шомылу маусымында 6 адам суға кетсе, осы жылдың басынан бері 4 адам тілсіз жаудың құрбанына айналды.
Дәурен Ағажаев, ТЖД Азаматтық қорғау басқармасының бастығы:
- Қайғылы оқиғаның екеуі Ұлан ауданында тіркелсе, тағы бір жазатайым жағдай Алтай өңірінде болды. Суға түсу маусымы басталғалы бері Ұлан ауданының Жанұзақ ауылында тағы бір қайғылы жағдай тіркелді. 2 маусым күні ата-анасының қарауынсыз қалған 3 жасар бала Ұлан өзеніне батып кетті. Сондықтан балаларды көзден таса қалдырмауға шақырамыз.
ТегтерPhone: +7 (7172) 757 485
E-Mail: 24kz@khabar.kz