Елде бүгіннен бастап орман және табиғат қорғау қызметкерлерінің жалақысы өсті.
Осыған байланысты алдағы үш жыл ішінде бюджеттен 8,5 млрд теңге бөлу қарастырылған. Тиісті қаулыға Премьер-министр Олжас Бектенов қол қойды. Осылайша, орман өртін сөндіру стансалары мен мекемелерінің, табиғат қорғау және орман орналастыру ұйымдарының қызметкерлері лауазымдық жалақыларына 100%-ға дейін үстемеақы алады.
Барлығы 3 мың 300-ге жуық қызметкер қамтылады. Орман өртін сөндіруші мың жарымнан астам қызметкерге қосымша ақы төлеу жергілікті бюджет қаражаты есебінен өтеледі.
ТегтерPhone: +7 (7172) 757 485
E-Mail: 24kz@khabar.kz