Орлов шахтасында бір адам опат болды

Орлов шахтасында жазатайым жағдайдан екі адам жарақат алған.

Олардың бірі ауруханада қайтыс болды. Екіншісі аман. Оған медициналық көмек көрсетілді. Бұл Абай облысындағы шахта KAZ Minerals компаниясына қарайды. Ақпарға қарағанда, шахтаның қабырғалары опырылып құлаған. Қазір арнайы комиссия құрылып, қайғылы оқиғаға қатысты тергеу жүріп жатыр. KAZ Minerals компаниясының басшылығы қаза болған қызметкердің отбасына көмек көрсететінін жеткізді.