«Менің елім – менің туым» акциясы жалғасып жатыр

Елде «Аманат» партиясы «Жастар рухы» жастар қанатының бастауымен «Менің елім – менің туым» атты акция өтіп жатыр.

Патриоттық шара Республика күніне орайластырылған. Оған Жастар рухының белсенділері ғана емес, Қазақстанның түкпір-түкпірінен азаматтар қатысады. Олар көк туымызды үйлердің терезелеріне, балкондарда ілді. Белсенділер ел бойынша тағы 10 мың туды желбіретуді көздеп отыр.

Інжу Баушүкенова, «Жастар рухы» аумақтық-ұйымдастыру жұмысы басқармасының жетекшісі:

- Бұл шара осымен үшінші жыл қатарынан Республика күні қарсаңында ұлттық бірлікті, мемлекеттік рәміздерге деген құрметті арттыру мақсатында ұйымдастырылып келеді. Іс-шаралар жоспарында түрлі бағыттағы акциялар, әлеум.желілерде челленджер ұйымдастырылатын болады.