Елде «Қазақстан» есімді 31 азамат бар

Ел отаны үшін мақтанады. Әр жетістігіне қуанады. Осы орайда сәбиінің есім-сойын «Қазақстан» деп атағандар бар. Елде «Қазақстан» есімді 31 адам тұрады. Ұлттық статистика бюросының мәліметіне сәйкес олардың біреуі – әйел, қалғаны – ер адам.

«Қазақстан» есімді азаматтардың бесеуі Астанада тұрады. Ал сегізі – Ақмола, жетеуі – Қарағанды, үшеуі – Қостанай облысының тұрғыны. Маңғыстау облысы мен Шымкент шаһарында екі азаматтан, Ақтөбе, Алматы, Батыс Қазақстан және Павлодар облыстарында елдің атымен аталатын бір-бір азамат бар.