Шетелдік рұқсат бланктерін берудің жаңа тәртібі күшіне енді

Бүгіннен бастап елде шетелдік рұқсат бланктерін беру механизмінің жаңа тәртібі күшіне енеді, деп хабарлайды 24KZ.

Шетелдік рұқсат бланкі – бұл тасымалдаушыларға жүкпен шетелге шығуға мүмкіндік беретін құжат. Жаңа жүйе адами факторды және сыбайлас жемқорлық тәуекелдерін жоймақ. Оны алу процесі толығымен автоматтандырылды. Сұранысты қарау мерзімі 2 жұмыс күнінен 40 минутқа дейін, ал бланк беру 8 күннен 1 күнге дейін қысқартылды.