Дубайда өтіп жатқан SWAT Challenge бәсекесінде Қазақстанның арнаулы мақсаттағы жасағы екінші жүлдесін еншілеуі мүмкін. Қазақ сарбаздары әбжіл әрекетімен көзге түсіп, шеберлігін паш етті, деп хабарлайды 24kz.
Рауан Мыңбай, тілші:
- Кеше сұңқарлардың асығы алшысынан түсіп, бас жүлдені еншіледі. Жеңімпаз команда ретінде 5 мың доллар қаржылай сыйлықты қанжығалады. Дәл қазір сіздердің назарларыңызға кешегі күннің бейнекадрларын ұсынып отырмыз. Бұл жерде 105 команда өнер көрсетті. Бұған дейін атап өткендей олар 80-нен астам мемлекеттен жиналған. Бүгін еліміз атынан сынға түсіп жатқан 5 команда алғашқы ондыққа енді. «Сардардың» А командасы көш басын бермей тұр. Қойылған тапсырманы олар бар болғаны 53 секундта орындады. Жарысқа қыздарымыз да қатысып жатыр. Аруларымыздың құрамасының аты – «Томирис». Олар 91-ші болып өнер көрсетеді. Еске салайық, әлем біріншілігінің тікелей эфирі Dubai Police YouTube парақшасында көрсетіліп жатыр.
Балнұр Қиялбекова, «Томирис» командасының мүшесі:
- Қазақстанның туын желбіретіп, ару қыздарымыз бар екенін көрсетеміз. Барымызды саламыз.
Жарыс жалпы 5 күнге жалғасады. Әр күннің тапсырмасы әртүрлі. Мәселен, бүгін арнайы жасақ шартты түрде лаңкестер басып алған ғимаратқа шабуыл жасап, кепілге алынғандарды құтқарады. Осы операция бас-аяғы 1 минут аралығында орындалуы шарт. Біздің жігіттер осы көрсеткішті межелі уақытқа жеткізбей жылдам орындап озып жатыр.
Авторы: Рауан Мыңбаев
ТегтерPhone: +7 (7172) 757 485
E-Mail: 24kz@khabar.kz