Аруларға ботаникалық баққа саяхат сыйлаңыз 

Аруларды гүл алу ғана қуантпайды.

Мәселен, елордадағы ботаникалық баққа мереке күндері 300-дей мейман барады. Көбі қыз-келіншек. 

Әлемнің түкпір-түкпірінен әкеліп, жерсіндірген өсімдіктер әлеміне саяхат жасау да бір ғанибет. Қазір мұнда 270-ке жуық жасыл желек түрі бар. Бірегей сәндік, сирек кездесетін және экзотикалық түрлермен де танысуға болады. Оранжерея меңгерушісі Ләйлә Зекенова өсімдіктер мен адамды тылсым күш байланыстырады дейді.

Ләйлә Зекенова, Астана ботаникалық бағының оранжерея меңгерушісі:

- Әрине мереке күндерінде аналарын алып келеді. Әйелдер қауымы көбірек келеді. Біріншіден, олардың бос уақыттары, екіншіден, өсімдік бұл әдемілік қой. Нәзік жандылар әдемілікті тамашалауға тырысамыз.