8 наурыз – Халықаралық әйелдер күні

Бүгін – Халықаралық әйелдер күні. Әлем елдерінде бұл мереке кеңінен аталып өтеді, деп хабарлайды 24kz.

Қазір Қазақстанда 10 млн-нан аса қыз-келіншек бар. Елдегі жалпы халық санының 51% әйелдер қауымы құрайды. Ұлттық статистика бюросының мәліметі бойынша олардың жартысынан көбі қалаларда тұрады. 35%-і ауылдық елді мекендерде тіркелген. Әйелдер саны жөнінен Алматы бірінші тұр. Сосын Түркістан облысы. Алғашқы үштікте Астана қаласы бар. Қазақстандағы қыз-келіншектердің орта жасы – 34. 4,5 млн әйел түрлі салада қызмет атқарып жүр. Басым бөлігі білім беру, сауда және денсаулық сақтау салаларында еңбек етеді.