Атыраудағы «Жеңіс» саябағы толықтай жаңғыртылады.
Бұл жоба Жеңістің 80 жылдығына орай қолға алынды. Қазір 45 мың шаршы метр аумақта төсем тастарды жаңарту және электр желісін ауыстыру жұмыстары жүргізіліп жатыр. Сондай-ақ саябаққа жәдігер ретінде қойылған әскери техника қалпына келтіріледі. Жаңа газон төселіп, тал-терек егу жұмыстары да қолға алынады. Жөндеу жұмысына қалалық бюджеттен 105 млн теңге бөлінді.
Эльдар Қариполлаев, қалалық ТҮКШ бөлімінің бас маманы:
- Абаттандыру жұмысының аясында, сондай-ақ, Мәңгілік алаудың жаңа форматы салынатын болады және де батырларға арналған 14 ескерткіштің асты жаңадан құйылып, биіктетіліп, нығайтылып, жаңадан жасалатын болады. Келісім-шарт бойныша 30 сәуірде аяқталады.
Тегтер #Жеңіс күні #саябақ #Атырау #24KZPhone: +7 (7172) 757 485
E-Mail: 24kz@khabar.kz