Елордада үздік 100 студент марапатталды

Бүгін елордада Қазақстан колледжерінің үздік студенттері марапатталды, деп хабарлайды 24kz.

Республикалық байқауда еліміздің әр аймағынан 3 мыңға жуық студент сынға түсіп, соның 100-і топ жарып, көш басына ілікті. Олар инженерлік, өңдеу, құрылыс салалары, балық шаруашылығы мен ветеринария сынды 8 негізгі бағыт бойынша бақтарын сынаған.

Санжар Тәтібеков, ҚР Оқу-ағарту министрлігінің бөлім басшысы:

- Жалпы 2600-ден аса студент қатысты. Өңірлік кезеңге 800-ден аса студент қатысатын болса, республикалық этапқа 200 студенттің ішінен 100 студент іріктеліп алынды. Мақсатымыз – талантты, перспективті жас буынды таңдап алу, оларға қолдау көрсету. Бүгінгі таңда ең бірінші талабымыз ол – жұмысқа орналастыру.

Үздік студенттер 20-дан астам жетекші кәсіпорын, үкіметтік емес ұйымдар мен білім беру мекемелері тарапынан жұмысқа тұруға ұсыныс алды. Сондай-ақ әкім гранты арқылы жоғары оқу орындарында білімін әрі қарай жалғастыру мүмкіндігіне де ие болды.

Гүлбахат Құттыбаева, байқау жеңімпазы:

- Өте қуаныштымын. Себебі, мен республика бойынша үздік 100 студент қатарына іліктім. Үлкен жалақымен қалаған жұмысымызға тұруға көптеген мүмкіндіктер қарастырып жатыр.

Тегтер #елорда #марапаттау #республикалық байқау