Түркістан облысы Леңгір қаласында «Қорғау» жүйесі арқылы жүргізілген рейд барысында ірі көлемде қарызы бар жүргізуші анықталды, деп хабарлайды 24kz.
Төлеби аудандық полиция бөлімінің учаскелік инспекторлары Леңгір қаласының көшелерінің бірінде Mercedes-Benz маркалы автокөлігін тоқтатты. Электронды база арқылы тексеру кезінде көлік иесінің мемлекетке 1,3 миллион теңге көлемінде берешегі бары белгілі болды. Тәртіп сақшыларының айтуынша, жүргізуші бұрын бірнеше рет жол жүру ережесін бұзған.
Атап айтқанда, жылдамдықты арттыру, көлікті рұқсат етілмеген жерге қою және жол ақысын уақытында төлемеу фактілері тіркелген. Аталған автокөлік айыптұраққа қойылып, жүргізушіге қатысты әкімшілік жауапкершілік шаралары қолданылды.
Ерлан Асқаров, облыстық полиция департаменті жпқ басқармасы бастығының орынбасары:
- Жыл басынан бері арнайы автотұрақтарға «Қорғау» бағдарламасы бойынша 5 мыңнан астам автокөліктер орыналастырылды. Сонымен қатар 19 сәуірден бастап 1 ай көлемінде жол-көлік оқиғаларын азайту мақсатында «Қауіпсіз жол» жедел-прафилактикалық іс шарасы жалғасып жатқанын еске саламын.
Тегтер #жүргізушілер #айыптұрақPhone: +7 (7172) 757 485
E-Mail: 24kz@khabar.kz