Енді үлкен сауда орындарын сақтандыру міндеттеледі.
Бұл норма ауданы 2 мың шаршы метрден асатын нысандарға қатысты. Жаңа өзгеріс оқыс оқиғалар кезінде ғимаратқа келген шығынды өтеуге мүмкіндік береді. Бұл жайлы бас қалада өткен брифингте Төтенше жағдайлар вице-министрі Кеген Тұрсынбаев мәлімдеді. Ал құрылыс компаниялары биіктігі 28 метрден асатын нысандарды іске қосу үшін төтеншеліктерден рұқсат алу керек болады. Олар өрт қауіпсіздігі талаптарына сәйкестігі туралы қорытынды шығарады. Сондай-ақ өндіріс орындары үшін де жаңа талаптар енгізілді.
Кеген Тұрсынбаев, ҚР Төтенше жағдайлар вице-министрі:
- Министрлікке қауіпті өндірістік объектілер мен техниканы жаңартудың жиынтық жоспарын келісу беріледі. Кәсіби авариялық-құтқару қызметтерін өз меншігінде арнайы ғимараттар мен құрылыстар кешені, оқу-жаттығу полигоны, шаң және газды талдау зертханасы, арнайы техника, аппараттар мен құрал-жабдықтармен қамтамасыз ету талап етіледі. Қауіпті өндірістік объектілерде зиянды факторлардың пайда болуын алдын алу үшін ұйымдарда тікелей басшыға бағынатын жеке өндірістік бақылау қызметін құру міндеті бекітілді.
Тегтер #сауда орталығы #сақтандыру #24KZPhone: +7 (7172) 757 485
E-Mail: 24kz@khabar.kz