Қазақстандық делегация Халықаралық көші-қон ұйымы Кеңесі отырысының 116-шы сессиясына қатысып жатыр. Бұл – әлемдегі көші-қон үдерістерін басқару және еңбек мигранттарын қорғау мәселелері талқыланатын жаһандық форум.
Жиында Еңбек және халықты әлеуметтік қорғау бірінші вице-министрі Асқарбек Ертаев халықаралық стандарттарға сәйкес келетін жаңа Migration.enbek.kz цифрлық портал жобасын таныстырды. Құжат Қазақстан азаматтарын шетелге жіберетін жұмыспен қамту агенттіктерінің қызметін реттеуді, сондай-ақ шетелдік жұмыс күшін квоталау жүйесін жетілдіруді көздейді. 116-шы сессия екі күнге созылады.
Асқарбек Ертаев, ҚР Еңбек және халықты әлеуметтік қорғау бірінші вице-министрі:
- 2030 жылға дейінгі тұжырымдама жобасы бірнеше жаңалықты қамтиды. Ең алдымен – азаматтарымыздың шетелге шығу мәселесі. Бүгінде қазақстандықтарды шетелге жіберетін жеке жұмыспен қамту агенттіктері бұл процесті өз қалауынша жүргізеді. Енді бұл мәселе шетелде еңбек ететін азаматтарымыздың құқықтарын қорғау мақсатында реттеледі.
Тегтер #Қазақстан #делегации #сессия #көші қонPhone: +7 (7172) 757 485
E-Mail: 24kz@khabar.kz