Шымкенттегі Бадам өзенінде балықтың жаппай қырылуына күкірт қышқылы әсер етуі мүмкін.
Өзен суынан алынған сынамаларды зерттеген мамандар алдын ала осындай қорытындыға келді. Экологтардың мәліметінше, су құрамында күкірт қышқылының мөлшері қалыпты деңгейден жоғары екені анықталған. Болжам бойынша, өндіріс орындарының бірінен шыққан зиянды қалдық орталық кәріз жүйесіне заңсыз төгілген. Кейін кәріз құбыры жарылып, құрамында күкірт қышқылы бар сарқынды су Бадам өзеніне құйылған. Қазіргі таңда қоршаған ортаның қауіпсіздігіне салғырт қараған кәсіпорынды анықтау жұмысы жүріп жатыр. Сонымен қатар кәріз жүйесіне жауапты мекемеге қатысты да тиісті шара қолданылуы мүмкін. Мамандар өзен суының сапасына тұрақты мониторинг жүріп жатқанын, және жағдайдың бақылауда екенін мәлімдеді.
Ақмарал Нысанбекова, Экология департаменті сынақ зертханасының басшысы:
- Департамент мамандары осы мәселе бойынша «Су ресурстары маркетингі» ЖШС тексереді. Су арнасында күкірт қышқылы бар немесе жоқ екені содан кейін белгілі болады. Жалпы ереже бойынша кәріз құбырына күкірт қышқылы ерітіндісін тастауға мүлде болмайды. Оны жоятын жеке тазарту қондырғысы болуы керек.
Тегтер #хабар24 #жаңалықтар #Шымкент #балық #экологияPhone: +7 (7172) 757 485
E-Mail: 24kz@khabar.kz