Сауалнама: жаңа Конституция жобасы – маңызды құжат

Жаңа Конституция жобасы – ел дамуының жаңа кезеңіне бастайтын маңызды құжат. 

Қоғам талқысына ұсынылған жобаға қатысты тұрғындар өз ой-пікірлерін білдіріп, оның мазмұны мен маңызын кеңінен талқылап жатыр. Құжатта ең алдымен білім мен ғылым саласына ерекше мән берілген. Бұл – заманауи қоғамның басты капиталы саналатын адами ресурсты дамытуға бағытталған нақты қадам. Білім сапасын арттыру, ғылыми зерттеулерді қолдау және инновациялық дамуға жол ашу арқылы елдің бәсекеге қабілеттілігін күшейту көзделген. Сонымен қатар азаматтардың цифрлық құқықтарын қорғау мәселесі де айқын көрініс тапқан. Цифрландыру дәуірінде жеке деректердің қауіпсіздігі, ақпаратқа қолжетімділік және цифрлық теңдік қағидаттары Конституция деңгейінде бекітілуі – уақыт талабынан туындаған шешім. Мемлекеттің зайырлы сипатын нақтылау да жоба мазмұнындағы маңызды тұстардың бірі. 

Тегтер #сауалнама #Конституция жобасы #құжат