Korean Air төтенше жағдай режиміне көшеді  

Оңтүстік Кореяның Korean Air әуе компаниясы Таяу Шығыстағы қақтығысқа байланысты ертеңнен бастап төтенше жағдай режиміне көшеді. 

Бұл шаралар әкімшілік шығындарды азайту және маршруттық желіні оңтайландыру үшін жасалмақ. Өйткені жанармай бағасы шарықтап барады. Келесі айда дизельдің бір галлоны 4,5 АҚШ долларға жетуі мүмкін. Бұл әуе билеттерінің бағасына әсер етеді. 1 сәуірден бастап Сеулден Нью-Йорк пен Чикагоға ұшатын рейстердегі отын алымдары 200%, ал Лондон мен Париж бағыттарына шамамен 250%-ға қымбаттауы ықтимал. Сарапшылар мұндай тарифтер авиация саласында бұрын-соңды болмағанын айтады

Тегтер #төтенше жағдай #режим #Korean Air