Тұрғын үй-коммуналдық шаруашылық палатысы құрылуы мүмкін. Елордада тұрғын үй-коммуналдық шаруашылық ұйымдарының форумында осындай ұсыныс айтылды.
Кеңеске мүлік иелерінің төрағалары, сервис компаниялары және өңірлерден келген сарапшылар қатысты. Сала өкілдері тұрғын үйді басқару ісіндегі негізгі мәселелерді айтып, оларды шешу жолдарын ұсынды. Саланы цифрландыру жайы талқыланды. Форумда тұрғындармен жұмысты жеңілдетуге арналған жаңа қосымша таныстырылды. Ол арқылы дауыс беру өткізу, өтініш қабылдау және кері байланысты жолға қоюға болады.
Мадина Ажикенова, Астана қалалық мәслихатының депутаты:
- Тұрғындар үшін жайлы жағдай жасау керек. Бүгінгі күні көптеген тұрғынның ауқымды сұрақтарын билік өкілдеріне жеткіздіріп, кері байланысқа шығып, олар үшін жайлы жағдайға не жетіспейді соны өздері барып көріп, қай маман жауапты, сол жауапты мамандармен шешімін табуға әрекет жасап жатыр.
Тегтер #Астана #тұрғын үй #коммуналдық қызметPhone: +7 (7172) 757 485
E-Mail: 24kz@khabar.kz