Грекияда өткен Балқан математикалық олимпиадасында қазақстандық оқушылар 6 медаль жеңіп алды, деп хабарлайды «24KZ».
Қазақстан құрамасы 24 елдің ішінде жалпы командалық есепте 6-орынға ие болды. Қоржында - 1 алтын, 2 күміс және 3 қола медаль.
Алматы қаласындағы Haileybury Almaty мектебінің 12-сынып оқушысы Мұрат Тимур алтын медаль иегері атанды.
Астана қаласындағы «Білім-инновация» лицей-интернатының 10-сынып оқушысы Алиасқар Сұлтанәлі күміс медаль иеленді.
Атырау облыстық «Білім-инновация» лицей-интернатының 11-сынып оқушысы Орынбасар Бердібек, Алматы қаласындағы Республикалық физика-математика мектебінің 10-сынып оқушысы Батырхан Бейганов, Алматы қаласындағы Nurorda мектебінің 11-сынып оқушысы Али Еркебұланұлы, Қызылорда облыстық №9 «Білім-инновация» лицей-интернатының 11-сынып оқушысы Арнұр Ансатов қола медаль еншіледі.
Тегтер #математика #Олимпиада #24жаңалықтар #24KZPhone: +7 (7172) 757 485
E-Mail: 24kz@khabar.kz