Теміржол көлігімен қатынайтын танымал бағыттар

Жазғы маусымның басталуымен ел ішіндегі саяхатқа сұраныс еселеп артты. Биылғы ыстық маусымда Ұлттық тасымалдаушы пойыздарымен барлығы 4,2 миллионнан астам жолаушы сапар шегеді деп жоспарлануда, деп хабарлайды «24KZ»

 Жоғары сұранысқа ие ең танымал ТОП-бағыттар мен нақты көрсеткіштерді ұсынамыз.

Алакөл - жазғы тренд көшбасшысы: Көл жағалауына Астана, Алматы, Павлодар, ШҚО, Абай және Қызылорда облыстарынан 15 маршрут қатынайды. Көліктің 10-ын «Жолаушылар тасымалы» АҚ, ал 2-уін жеке тасымалдаушылар басқарады. Маусымда 230 мыңға жуық орын дайындалған, ең бастысы - барлық вагондар кондиционермен жабдықталған.

 

Каспий жағалауы, Ақтау: Теңізге қарай 7 маршрут жолға шығады. Жазда жолаушылар ағыны 155 мың адамға дейін жетеді.

 

Балқаш көлі: Мұнда 8 маршрут ұйымдастырылған. Маусымдық сұраныс — орта есеппен 45 мың адам.

 

Бурабай: Курорттық аймаққа 16 маршрут қатынайды. Жазғы жолаушылар ағыны - 65 мың адам.

 

Түркістан: Рухани орталыққа 16 маршрутпен баруға болады. Жазғы ағын -60 мыңға жуық жолаушы.

 

Сарыағаш: Шипажай бағытына 5 пойыз жүреді. Жазғы кезеңде сұраныс 9,5 мың жолаушыны құрайды.

 

Еліміздің бас қалаларына қатынайтын пойыздар мен ай сайынғы жолаушылар ағыны:

 

Астана - рекордтық 36 маршрут (Ай сайын орта есеппен 130 мыңға жуық жолаушы).

 

Алматы - 26 маршрут (Ай сайын 155 – 160 мың жолаушы).

 

Шымкент - 18 маршрут (Ай сайын 70 мыңға жуық жолаушы).

Тегтер #жолаушлыр #теміржол #билеттер #24жаңалықтар #24KZ