Енді Астананың даму стратегиясы өзгереді.
Бұған дейін елорданың өсімі негізінен тартылған инвестиция көлемі, пайдалануға берілген тұрғын үй саны және құрылыс қарқыны сияқты экономикалық көрсеткіштер арқылы бағаланса, енді басымдық адамға беріледі. Жаңа урбанистік тәсілге сәйкес, қаланың даму деңгейі тұрғындардың өмір сүру сапасымен өлшенбек. Осы мақсатта арнайы зерттеу жүргізіліп, тұрғын үйдің қолайлылығы, еңбек нарығы мен жұмыспен қамту сапасы жан-жақты сараланады. Сондай-ақ, қоғамдық көлік пен жүріп-тұрудың ыңғайлылығы, мәдени, спорттық және жасыл аймақтардың қолжетімділігі бағаланады. Осылайша, Астананы жай ғана инфрақұрылымы дамыған емес, ең алдымен адамға жайлы әрі өмір сүруге қолайлы болашақ қаласына айналдыру көзделіп отыр.
Тегтер #хабар24 #жаңалықтар #Астана #тұрғын үйPhone: +7 (7172) 757 485
E-Mail: 24kz@khabar.kz