Талдықорған-Текелі тасжолында үлкен ағаш жүріп келе жатқан жеңіл автокөліктің үстіне құлады. Салдарынан жүргізуші зардап шекті, деп хабарлайды «24KZ».
Жетісу облысының Төтенше жағдайлар департаментінің мәліметінше, оқиға 21 шілдеде Қарабұлақ-Текелі автожолындағы «Өмір бұлақ» маңында болған. Қатты соққан желдің салдарынан ағаш жолдың жүру бөлігіне құлап, қозғалып бара жатқан Toyota Camry автокөлігін басып қалған.
Көлік ішінде бес адам болған. Оқиға салдарынан жүргізуші жарақат алды. ТЖД мәліметінше, автокөлік ішінде қысылып қалған адамдар болған жоқ. Құтқарушылар құлаған ағашты аралап, жолдың жүру бөлігін тазалады және көліктің қауіпсіз қозғалысын қамтамасыз етті.
Ескелді ауданының әкімдігі зардап шеккен адамның Ескелді ауданының Орталық аудандық ауруханасына жеткізілгенін хабарлады. Оның жағдайы тұрақты деп бағалануда.
«24KZ» Telegram-арнасына жазылыңыз
Тегтер #Жетісу облысы #ағаш құлады #оқыс оқиға #24жаңалықтар #24KZPhone: +7 (7172) 757 485
E-Mail: 24kz@khabar.kz