Алматыда көпқабатты тұрғын үй кешендерінің бірінде қайғылы оқиға болды. 17 жастағы бойжеткен терезеден құлап, қаза тапты, деп хабарлайды «24KZ».
Полиция департаменті аталған факті бойынша қылмыстық іс қозғады.
Қайғылы оқиға Наурызбай ауданындағы «Алма сити» тұрғын үй кешенінде болған.
Қайтыс болған қыздың анасының айтуынша, бойжеткен құрбыларына қонаққа барған. Телефон арқылы сөйлесу кезінде анасы қыздардың ішімдік ішіп отырғанын біліп, қызына ұрысқан.
Анасымен сөйлескеннен кейін бойжеткен жігітіне хабарласып, өзін үйге алып кетуін өтінген. Жігіт тұрғын үй кешеніне жеткенімен, пәтерге көтеріліп үлгермей, бойжеткен терезеден құлап кеткен.
Алматы қалалық Полиция департаменті кәмелетке толмаған қыздың қаза болу фактісі бойынша тергеу басталғанын хабарлады.
«Аталған факті бойынша Наурызбай аудандық Полиция басқармасымен қылмыстық іс қозғалды. Оқиғаның мотиві мен мән-жайы анықталып жатыр» – делінген хабарламада.
«24KZ» Telegram-арнасына жазылыңыз
Тегтер #Алматы #қайғылы оқиға #полиция #24жаңалықтар #24KZPhone: +7 (7172) 757 485
E-Mail: 24kz@khabar.kz