Астанада жедел жәрдем фельдшері Ұлдана Мырзуанның өліміне қатысты сот процесі жалғасып жатыр, деп хабарлайды 24KZ.
Сот отырысында сотталушы Жұбаниязованың қорғаушысы тергеу кезінде заңбұзушылықтарға жол берілгенін айтып, қылмыстық істі прокурорға қайтару туралы өтінішхат берген.
Қорғаушы МИБ төрағасы Сәуле Жұбаниязованың әрекеті мен қайғылы оқиға арасында себеп-салдарлық байланыс жоқ екенін алға тартты. Оның айтуынша, Жұбаниязованың арнайы инженерлік-құрылыс білімі жоқ. Ол үйді салмаған және ғимаратты пайдалануға қабылдамаған.
Сонымен қатар, Жұбаниязова ұзақ уақыт бойы іс бойынша куәгер ретінде өткен. Оны күдікті деп тек тергеудің соңғы кезеңінде таныған. Кейін ешқайда кетпеу туралы қолхатпен іс сотқа жолданған.
Алдыңғы МИБ төрағасы 2025 жылғы мамырда пәтер мен құжаттарды Жұбаниязоваға ресми қабылдау-тапсыру актісінсіз тапсырған. Ол үйдің жағдайы жақсы екеніне сендірген. Алайда ғимараттағы жарықтар мен ақаулар 2017 жылдан бері болған.
Қорғау тарапы істі қосымша тергеуге қайтаруды, қосымша сараптамалар тағайындауды және 2017 жылдан бері ғимаратқа қатысты барлық құжаттарды сұратуды сұрады. Сондай-ақ Жұбаниязова қызметке кіріскенге дейін үйдегі ақаулардан хабардар болған адамдардың нақты шеңберін анықтауды талап етті.
Тегтер #Ұлдана Мырзуан #сот ісі #24жаңалықтар #24KZPhone: +7 (7172) 757 485
E-Mail: 24kz@khabar.kz