Бұл экологияның нашарлауына әкелуі мүмкін. Мамандандырылған табиғат қорғау прокуратурасы тексеру жүргізіп, осы кемшілікті анықтады.
Соңғы жылдары құзырлы органдар өңірде 100 мыңнан астам ағашты кесуге рұқсат берген. Талап бойынша, оталған әрбір ағаштың орнына көшет егілуі тиіс еді. Алайда талды кесуге рұқсат алғандардың көбі міндеттемесін орындамаған. Әсіресе Еңбекшіқазақ ауданында көптеген заңбұзушылық тіркелді. Онда 120 рұқсат құжаты бойынша 63 мыңнан астам ағаш кесілгенімен, қажетті мөлшерде жаңасы егілмеген.
Салахадин Ажен, облыстық мамандандырылған табиғат қорғау прокуратурасының прокуроры:
- Жасыл екпелерді күтіп-баптау және қорғау қағидаларына сәйкес кесілген әрбір ағаштың орнына он жаңа ағаш егілуі тиіс. Міндеттемелердің орындалуына тиісті бақылаудың болмауы салдарынан аудан бойынша 630 мыңнан астам ағаш егу жұмыстары қамтамасыз етілмеген. Жалпы облыс бойынша 1 млн-нан астам өтемдік ағаш егу бойынша тиісті шаралар қабылданбағаны анықталды. Прокурорлық қадағалау актісі негізінде 11 лауазымды тұлға жауапқа тартылды.
Тегтер #Алматы облысы #ағаштар #көшет егуPhone: +7 (7172) 757 485
E-Mail: 24kz@khabar.kz