Астана-1 вокзалындағы қайта жаңарту жұмыстары соңғы кезеңге жетті. Жоба аяқталғаннан кейін нысанның аумағы 580 шаршы метрге ұлғайып, 8,4 мың шаршы метрді құрайды. Жаңартылған вокзал тәулігіне 10 мың, жылына 2,5 млн жолаушыға қызмет көрсетуге есептелген, деп хабарлайды 24KZ.
Нысанда шатырды монтаждау, ішкі инженерлік коммуникацияларды ажырату, шатыры бар жағалау перрондарын құру аяқталды. Әрлеу жұмыстары, конкорсты орнату және аумақты абаттандыру жұмыстары жүргізілуде.
Вокзалда жаңа эскалаторлар, лифттер мен көтергіштер орнатылған. Пандустар, ана мен бала бөлмелері, санитарлық бөлмелер және күту аймақтары жабдықталуда. Мобильділігі төмен жолаушылар үшін кедергісіз орта, соның ішінде тактильді навигация және көру қабілеті бұзылған адамдарға арналған ақпараттық тақтайшалар қарастырылған.
Астана-1 станциясының вокзалы 1990 жылы салынған. Құрылысы аяқталғаннан кейін нысанда негізінен ағымдағы жөндеу жұмыстары жүргізілді.
Қайта құру Мемлекет басшысының тапсырмасы бойынша еліміздің 124 теміржол вокзалын жаңғырту бағдарламасы шеңберінде жүргізілуде. Оның басты мақсаты – жолаушылар үшін заманауи, қауіпсіз, қолжетімді әрі жайлы жағдайлар жасау.
«Қазақстан темір жолы» ҰК» АҚ бағдарламаны өз қаражаты есебінен Қазақстан Республикасының Үкіметі, Көлік министрлігі, «Самұрық-Қазына» АҚ және әкімдіктер қолдауымен іске асыруда.
Тегтер #24жаңалықтар #24KZ #Астана1 #вокзалPhone: +7 (7172) 757 485
E-Mail: 24kz@khabar.kz