Еліміздің астық әлеуеті артты

Биыл Қазақстанда 24 млн тоннаға жуық дәнді және бұршақ дақылдарын жинау жоспарланған. Бұл – соңғы 15 жылдағы ең жоғары көрсеткіштердің бірі, деп хабарлайды 24KZ.

Өткен маусымда еліміз 16 млн тоннаға жуық астық пен ұн экспорттады. Отандық өнімге Орталық Азия елдерімен қатар Қытай мен Еуропалық одақ та қызығушылық танытып отыр. Ал ұн өндірісі ішкі қажеттіліктен екі есе жоғары. Биылғы сегіз айда елімізде 325,5 мың тонна нан пісірілді.

Наубайханалар мен кондитерлік кәсіпорындарды қолдау үшін мемлекет инвестициялық шығындардың 25 пайызын өтейді, ал ұн өндірушілерге қосылған құн салығы бойынша 80 пайыздық жеңілдік қарастырылған.

Тегтер #24KZ #Нан күні #экспорт #ұн #астық жинау #Орталық Азия